Og áfram held ég...

Ég verð nú bara að fara að segja eitthvað þó ég viti ekki nákvæmlega hvað ég á að tjá mig um.

Ég fæddist í Babylon (eins og ég kalla borgina okkar) á því herrans ári 1977, sem ég segi að hafi verið ár smokksins þar sem það er frekar fámennur árgangur, það var í júlímánuði þann 22 en áætlaður fæðingardagur átti (held ég) að vera 7.7.77. (vá hvað það hefði verið flott)                  En nei, mamma segir að ég hafi sýnt þrjóskuna strax og látið bíða vel og leeeengi eftir mér, þrátt fyrir laxeringu, stigahlaup og fleiri læti til að koma mér í ÚT !

Við fjölskyldan bjuggum reyndar í Hrútafirði fyrstu 8 árin mín á sveitabæ með refabúi en fluttum svo í einn af skemmtilegri og fallegri bæjum hér á klakanum, Borgarnes (neita að kalla þetta Borgarbyggð).  Þar var ég næstu 9 ár og líkaði vel, æfði fótbolta, körfubolta, sund og var VEL virk í félagslífinu, var mömmu stundum að orði á unglingsárunum "Nei býrð þú hér ?" þegar ég lét loks sjá mig í kvöldmatinn.  

Þetta voru skemmtilegir og frekar einfaldir tímar þegar ég lít til baka þar sem ég vissi ekkert hvað beið mín þegar ég flutti svo að heiman 17 ára gömul.   

Það er efni í mörg blogg sem ég læt kannski flakka síðar en þangað til mitt kæra fólk, Guð veri með ykkur og gefi ykkur náðuga tíma í þessu þjóðfélagsástandi.

 

Athugasemdir

[Svanhildur Karlsdóttir, 17.11.2008 kl. 00:40]

Skemmtileg færsla, bíð spennt eftir framhaldinu....knús

[Stebba (IP-tala skráð) 17.11.2008 kl. 13:19]

Blogg on, beibí!!