23.11.2008 | 16:15

Dööööö....

Svakalega er mar tómur þessa dagana, veit ekkert hvað á að segja, gera eða hugsa, jú þetta er allt í lagi öðru hvoru að vera eins og stillimynd en "kommon" EKKI marga daga. Frown

Gæti verið að málið sé að það sé svo MIKIÐ að hugsa og gera að mar veit ekki hvar á að byrja. Pinch

Það eru svo sem enn veikindi í gangi hér, BARA búið að standa yfir í 3 vikur, hef reyndar heyrt um verri tilfelli en þetta er bara alveg nóg. Já svo eru jólin að koma, veit ekki alveg hvort ég kvíði eða hlakki til, kannski sittlítið af hvoru. Ég vona að fólk finni hinn sanna jólaanda og njóti hátíðar ljóss og friðar í faðmi fjölskyldunnar, með ágætis matföngum en ekki í jólapakkakeppni. Whistling

Kannski er ég að pirra mig á jólapökkunum af því að ég get venjulega ekki gefið veglegar gjafir þó ég segi sjálfri mér að það sé hugurinn sem skipti máli. En einhvern veginn virðast þessi skilaboð vera þarna úti, því dýrara, því betra og flottara.... EN það gæti líka svo sum verið minnimáttarkennd hjá mér, að ég sé ómeðvitað dottin inní veraldarkapphlaupið, að ég sé minni manneskja því ég á ekki aur. Shocking

En hversu margir ætli séu í slæmri stöðu akkúrat þessi jól ? Ég er pottþétt ekki ein um að klóra í bakka, að halda öllum klóm útí til að grípa það sem gefst, jæks grrrr.... er ég að breytast í kött ? Það er nebbla annað sem er líka soldið mikið að angra mig, með landið mitt sem ég var svooo stolt af og hvað er að gerast núna ? Woundering

Útaf einhverjum útrásarvíkingum þarf að skera niður heilbrigðisþjónustu, grunnskólakennslu (engin forfallakennsla) HÆKKA matarverð, HÆKKA vexti á flestum lánum, HÆKKA þjónustugjöld, skerða/hætta með fæðingarorlofssjóð, gleymdi örugglega einhverju en HALLÓ er þetta ekki hellingur ? Og hvað gerði almenni borgarinn til að eiga þetta skilið, mar leyfði sér að vera stoltur Íslendingur en nú er varla að maður þori að segja hvaðan mar kemur afþví EINHVERJIR HOTTINTOTTAR bakvið skrifborð og nánast læstar dyr voru að leika sér í Matador, nema hvað...... þetta var/er alvara lífsins og líf annara sem sogast inní þessa græðgi !! Angry

Úff ! það þýðir víst lítið að argast hér eða á austurvelli, þó mér hafi nú ekki hlotnast sá heiður að vera þar viðstödd, því það heyrir enginn sem þarf/á að heyra þetta. Frown

Ég segi samt ÁFRAM ÍSLAND OG LENGI LIFI LÝÐRÆÐIÐ þó landinn hafi nú ekki beint kynnst því, BURT með spillingarseggina/gæsirnar ! Lofum landi og lýð að blómstra í fallegu og gefandi landi sem hefur ALLA burði að skara framúr á flestum sviðum án ESB inngöngu og evruupptöku. W00t

Já ég veit hvað ég sagði, EKKERT ESB ! Get ekki nógu vel sagt afhverju en hvert bein og hver taug æpir NEIIII takk. Kannski er ég taugaveikluð með beinkröm en þetta er mín skoðun !

En já, ó Guð vors lands og land vors Guðs, ég legg þetta í Hans hendur þar sem ég sjálf get ekki breytt neinu, bara viðrað skoðanir mínar sem eru mér reyndar hjartans mál þar sem við erum að tala um framtíð barnanna minna. Halo